موبائل اور ڈیٹا صارفین کیلئے احتیاطی تدابیر جاری
اسلام آباد: (دنیا نیوز) نیشنل سائبر کرائم انویسٹی گیشن ایجنسی نے سالِ نو کے موقع پر موبائل اور ڈیٹا صارفین کیلئے احتیاطی تدابیر جاری کر دیں۔
این سی سی آئی اے کے مطابق نئے سال کی آمد پر مبارکباد کے لنکس اور جعلی تحائف کے پیغامات گردش کر رہے ہیں، کسی بھی انجان لنک پر کلک نہ کریں ، نہ ہی اپنا واٹس ایپ کوڈ کسی کے ساتھ شیئر کریں۔
صارفین نامعلوم نمبروں سے آنے والے لنکس پر کلک نہ کریں، نامعلوم نمبروں سے آنے والے لنکس صارفین کے موبائل اور ڈیٹا کے لیے خطرناک ہو سکتے ہیں۔
این سی سی آئی اے کی جاری کردہ ہدایات حکومت کے شفافیت کے فروغ کے ایجنڈا کا حصہ ہیں، این سی سی آئی اے شفافیت اور احتساب کے فروغ کیلئے اصلاحات پر عمل پیرا ہے۔
