انڈر 19 ورلڈ کپ: پاکستان کیخلاف زمبابوے کی تیسری وکٹ 23 رنز پر گر گئی
ہرارے: (دنیا نیوز) آئی سی سی انڈر 19 ورلڈ کپ کے 19 ویں میچ میں پاکستان کے خلاف زمبابوے ٹیم کی بیٹنگ جاری ہے۔
ہرارے میں کھیلے جا رہے میچ میں پاکستان نے ٹاس جیت کر پہلے زمبابوے کو بیٹنگ کی دعوت دی ہے۔
اگلے مرحلے میں رسائی کیلئے پاکستانی ٹیم کو آج کا میچ لازمی جیتنا ہوگا، گزشتہ روز پاکستانی ٹیم نے خامیوں کو دور کرنے کیلئے ہرارے میں ٹریننگ سیشن میں حصہ لیا۔
واضح رہے کہ پاکستانی ٹیم نے گروپ مرحلے میں ایک میچ میں کامیابی حاصل کی جبکہ ایک میں شکست کا سامنا کرنا پڑا ہے۔
