اسحاق ڈار کی تھائی ہم منصب سے ملاقات، تعلقات مضبوط بنانے پر اتفاق
ڈیووس: (دنیا نیوز) نائب وزیراعظم و وزیر خارجہ سینیٹر محمد اسحاق ڈار نے ورلڈ اکنامک فورم کے موقع پر ڈیووس میں تھائی لینڈ کے وزیر خارجہ سہاسک فوانگ کٹکیو کے ساتھ سائیڈ لائن ملاقات کی۔
وزارت خارجہ کے ترجمان کے مطابق ملاقات کے دوران دونوں وزراء نے پاکستان اور تھائی لینڈ کے دوطرفہ تعلقات کا جائزہ لیا اور اقتصادیات، تجارت، سرمایہ کاری اور زراعت سمیت مختلف شعبوں میں تعاون کو مزید بڑھانے پر اتفاق کیا۔
اس موقع پر دونوں رہنماؤں نے خطے اور بین الاقوامی سطح پر جاری صورتحال پر بھی تبادلہ خیال کیا۔
علاوہ ازیں، دونوں وزراء نے پاکستان اور تھائی لینڈ کے درمیان سفارتی تعلقات کے قیام کی 75 سالہ کامیاب تاریخ پر ایک دوسرے کو مبارکباد دی۔
