پی ایس ایل 11: پلیئرز آکشن کیلئے کھلاڑیوں کی کیٹگریز رینیو کردی گئیں
لاہور: (دنیا نیوز) پی ایس ایل 11 کی پلیئرز آکشن کیلئے کھلاڑیوں کی گولڈ ، سلور اور ایمرجنگ کیٹگریز رینیو کر دی گئی۔
گولڈ کیٹیگری میں 33، سلور کیٹگری میں 16 مقامی کھلاڑیوں کو ریٹین یا آکشن کیلئے رکھا گیا جبکہ ایمرجنگ کیٹگری میں 14 کھلاڑیوں کو ریٹینشن یا آکشن کیلئے رکھا گیا۔
ملتان سلطانز سے یاسر خان،عامر برکی،محمد جنید،ہمایوں الطاف،علی عمران اور عبید شاہ ، لاہورقلندرز کے محمد اخلاق،محمد نعیم ، عازب ،اسلام آباد یونائیٹڈ کے محمد فائق اور حنین شاہ سلور کیٹگری میں شامل ہیں۔
پشاور زلمی کے عارف یعقوب ، مہران ممتاز ، کراچی کنگ سے مرزا معمون اور کوئٹہ گلیڈی ایٹرز سے علی ماجد بھی سلور کیٹگری میں شامل ہونگے۔
ایمرجنگ کیٹگری میں 14 کھلاڑیوں کو ریٹینشن یا ریلیز کیلئے رکھا گیا ، اسلام آباد یونائیٹڈ کا حصہ رہنے والے سعد مسعود، محمد شہزاد اور غازی غوری ، کراچی کنگز کے ریاض اللہ ،فواد علی اور سعد بیگ ایمرجنگ کیٹگری میں شامل ہیں۔
اس کے علاوہ پشاور زلمی سے کھیلنے والے معاذ صداقت، عبداللہ فضل اور علی رضا ، ملتان سلطانز کی نمائندگی کرنے والے شاہد عزیر،محمد ذلقفل ، کوئٹہ گلیڈی ایٹرز کے محمد ذیشان،شامل حسین اور لاہور قلندرز کے مومن قمر بھی ایمرجنگ کیٹگری کا حصہ ہیں۔
