شادی سے انکار پر لڑکی نے نوجوان کے ماتھے پر گولی مار دی
پتوکی: (ویب ڈیسک) شادی سے انکار پر لڑکی نے 22 سالہ نوجوان کو ماتھے پر گولی مار دی۔
ریسکیو اہلکاروں نے بتایا کہ زخمی نوجوان کو تشویشناک حالت میں تحصیل ہیڈ کوارٹر ہسپتال پتوکی سے لاہور ریفر کر دیا گیا ہے، زخمی نوجوان کی شناخت 22 سالہ فاروق کے نام سے ہوئی ہے۔
واقعے کے بعد لڑکی موقع سے فرار ہوگئی جبکہ ابتدائی معلومات کے مطابق لڑکی مقتول نوجوان کی قریبی رشتہ دار ہے۔
اس حوالے سے نوجوان کی والدہ کا کہنا ہے کہ لڑکی قریبی رشتہ دار ہے جو بیٹے پر شادی کیلئے دباؤ ڈال رہی تھی، پولیس نے واقعے کی تحقیقات شروع کر دی ہیں اور ملزمہ کی تلاش کا عمل بھی جاری ہے۔
