پاکستان نے تیل و گیس کے 8 ایکسپلوریشن بلاکس حاصل کر لئے
اسلام آباد: (دنیا نیوز) آئل اینڈ گیس ڈویلپمنٹ کمپنی (او جی ڈی سی) نے آف شور بڈ راؤنڈ 2025 میں تیل و گیس کے 8 ایکسپلوریشن بلاکس حاصل کر لئے۔
ترجمان او جی ڈی سی کے مطابق پاکستان میں تقریباً دو دہائیوں بعد آف شور ایکسپلوریشن کا باقاعدہ آغاز کیا گیا ہے۔
وفاقی وزیر پٹرولیم علی پرویز ملک نے اس اقدام کو توانائی کے شعبے میں اہم پیشرفت قرار دیا ہے۔
ترجمان او جی ڈی سی کے مطابق او جی ڈی سی دو بلاکس میں بطور آپریٹر جبکہ چھ بلاکس میں جوائنٹ وینچر پارٹنر ہوگی، اس اقدام سے سرمایہ کاری اور انرجی سکیورٹی کو فروغ ملے گا۔
ترجمان نے مزید کہا کہ آف شور بڈ راؤنڈ 2025 ملکی توانائی کے شعبے میں نئے دور کا آغاز ہے۔
