ایران میں رجیم تبدیلی کی کوششیں ناکام، رضا پہلوی اپوزیشن کو متحد کرنے میں ناکام
تہران: (دنیا نیوز) ایران میں رجیم تبدیلی کی کوششیں ناکامی کا شکار نظر آتی ہیں، رضا پہلوی اپوزیشن کو متحد کرنے میں کامیاب نہیں ہوسکے۔
خبر رساں ادارے رائٹرز کی رپورٹ کے مطابق ایران کے سابق شاہ کے جلاوطن بیٹے رضا پہلوی کی ایران میں رجیم تبدیلی کی مہم مشکلات کا شکار ہو گئی ہے۔
حالیہ امریکا اور ایران،اسرائیل کشیدگی کے دوران رضا پہلوی کو بیرون ملک ایرانیوں کی مالی اور سیاسی حمایت حاصل ہوئی تاہم وہ ایران کے اندر مؤثر عوامی حمایت حاصل کرنے اور مختلف اپوزیشن جماعتوں کو ایک پلیٹ فارم پر متحد کرنے میں ناکام رہے ہیں۔
امریکا نے بھی رضا پہلوی کی کھل کر حمایت نہیں کی، ان کے بعض حامیوں پر آن لائن ہراسانی اور تشدد کے الزامات نے بھی ان کی ساکھ کو متاثر کیا، اپوزیشن کی تقسیم اور واضح حکمت عملی کے فقدان نے رضا پہلوی کی مہم کو کمزور کر دیا ہے۔
Comments / رائے دیں
Share your thoughts. Comments are reviewed before they appear publicly.
Approved Comments