ڈونگہ بونگہ میں نومولود بچی کو گندے پانی میں پھینکنے والی ماں گرفتار
بہاولنگر:(دنیا نیوز) پنجاب کے شہر بہاولنگر میں کے علاقے ڈونگہ بونگہ میں انسانیت سوز واقعے میں سنگدل ماں نے مبینہ طور پر پیدائش کے فوراً بعد نومولود بچی کو تھیلے میں ڈال کر گندے پانی کے جوہڑ میں پھینک دیا۔
پولیس کے مطابق اہل علاقہ نے مشتبہ سرگرمی دیکھ کر پولیس کو اطلاع دی، جس پر پولیس موقع پر پہنچ گئی، اہل علاقہ اور پولیس نے مشترکہ کارروائی کرتے ہوئے نومولود بچی کو گندے پانی کے جوہڑ سے زندہ نکال لیا۔
پولیس کا کہنا ہے کہ بچی کو فوری طور پر طبی امداد کے لیے مقامی ہسپتال منتقل کردیا گیا، جہاں ڈاکٹرز اس کی حالت کا جائزہ لے رہے ہیں۔
دوسری جانب پولیس کا کہنا تھا کہ واقعے میں ملوث مبینہ ملزمہ کو گرفتار کرلیا گیا جب کہ اِس کے خلاف قانونی کارروائی کا آغاز کردیا گیا ہے۔
مزید برآں واقعے کی مزید تحقیقات جاری ہیں تاکہ نومولود بچی کو گندے پانی میں پھینکنے کی اصل وجوہات اور واقعے کے دیگر پہلوؤں کا تعین کیا جاسکے۔
Comments / رائے دیں
Share your thoughts. Comments are reviewed before they appear publicly.
Approved Comments