×

دنیا

پوتن نے زیلنسکی سے مذاکرات سے کبھی انکار نہیں کیا، ماسکو آ سکتے ہیں، کریملن

بند کریں

ماسکو: (شاہد گھمن) روسی صدر ولادیمیر پوتن نے یوکرینی صدر ولادیمیر زیلنسکی سے بات چیت کرنے سے کبھی انکار نہیں کیا، اگر زیلنسکی براہ راست مذاکرات کے خواہش مند ہیں تو وہ ماسکو آ سکتے ہیں۔ یہ بات روسی صدر کے معاون یوری اوشاکوف نے کہی ہے۔

روسی ٹیلی ویژن کے صحافی پاویل زاروبن کو انٹرویو دیتے ہوئے یوری اوشاکوف سے سوال کیا گیا کہ اگر یوکرینی صدر ولادیمیر زیلنسکی، صدر پوتن کو ٹیلی فون کریں تو کیا وہ ان کی کال وصول کریں گے؟

اس پر یوری اوشاکوف نے کہا کہ ان کے خیال میں صدر پوتن یقیناً فون اٹھائیں گے، کیونکہ انہوں نے زیلنسکی کے ساتھ بات چیت کرنے سے کبھی انکار نہیں کیا۔

کریملن کے معاون نے واضح کیا کہ اگر زیلنسکی روسی صدر سے بالمشافہ ملاقات اور مذاکرات کرنا چاہتے ہیں تو وہ ماسکو آ سکتے ہیں۔

یوری اوشاکوف کے مطابق زیلنسکی مختلف ذرائع سے مذاکرات کے حوالے سے اشارے دے رہے ہیں۔ اگر یوکرینی صدر واقعی مذاکرات کے خواہش مند ہیں تو ان کے لیے ماسکو آنے کا راستہ کھلا ہے۔