پاکستان مسلسل تیسری بار جونیئر ہاکی ایشیا کپ کے فائنل میں پہنچ گیا
صلالہ : ( دنیا نیوز ) پاکستان نے جونیئر ہاکی ایشیا کپ کے فائنل کے لئے کوالیفائی کر لیا، قومی ٹیم نے سیمی فائنل میں ملائیشیا کو شکست دے کر ایونٹ کے فائنل کے لئے کوالیفائی کیا۔
ایونٹ کے سیمی فائنل میں پاکستان نے ملائیشیا کو 2 کے مقابلے میں 6 گول سے شکست دی، پاکستان کی جانب سے عبدالرحمٰن نے شاندار پرفارمنس کا مظاہرہ کرتے ہوئے 3 گول سکور کیے۔
پاکستان جونیئر ایشیاء کپ کے فائنل میں پہنچ گیا.
— Pakistan Hockey (PHF) (@PHFOfficial) May 31, 2023
سیمی فائنل میں پاکستان نے ملائشیا کو 2-6 سے ہرادیا.
جونیئر ایشیاء کپ فائنل پاکستان اور بھارت کے مابین کھیلا جائے گا.
پاکستان نے مسلسل تیسری بار اور مجموعی طور پر ساتویں بار فائنل کیلئے کوالیفائی کیا ہے pic.twitter.com/6bPFVlzevc
ملائیشیا کے پیرابو تنگراجا نے 21 ویں منٹ میں گول کرکے برتری حاصل کی ، 42 ویں منٹ میں پاکستان کے محمد صفیان نے گول کرکے مقابلہ برابر کردیا۔
44 ویں منٹ میں عبدالرحمٰن نے پاکستان کو برتری دلائی، اگلے منٹ ملائیشیا نے مقابلہ برابر کیا، 47 ویں منٹ میں عبدالحنان شاہد نے فیلڈ گول کرکے پاکستان کو پھر برتری دلادی۔
.jpg)
عبدالرحمٰن نے 48 ویں اور 51 ویں منٹ میں گول کرکے پاکستان کی برتری مستحکم کی، 58 ویں منٹ میں ارباز احمد نے گول کرکے اسکور پاکستان کے حق میں 2-6 کردیا۔
Full Time#mjac2023#WatchHockey#asiahockey pic.twitter.com/YTtkyfzBgB
— Asian Hockey Federation (@asia_hockey) May 31, 2023
خیال رہے کہ پاکستان نے مسلسل تیسری اور مجموعی طور پر ساتویں بار ٹورنامنٹ فائنل کیلئے کوالیفائی کیا ہے۔
یاد رہے کہ جونیئر ہاکی ایشیا کپ کے فائنل میں پاکستان کا مقابلہ روایتی حریف بھارت سے ہوگا۔
