سانحہ پمز، وزیراعظم کی تحقیقاتی کمیٹی نے باقاعدہ تحقیقات کا آغاز کردیا
اسلام آباد: (دنیا نیوز) سانحہ پمز پر وزیراعظم کی قائم کردہ تحقیقاتی کمیٹی نے باقاعدہ تحقیقات کا آغاز کردیا ہے۔
ذرائع کے مطابق تحقیقاتی کمیٹی کے ارکان نے فائر بریگیڈ ہیڈکوارٹر کا دورہ کیا اور کیپیٹل ایمرجنسی سروسز کے افسران سمیت ریسکیو آپریشن میں شامل عملے کے بیانات قلمبند کیے۔
کمیٹی نے آگ لگنے سے لے کر ریسکیو ٹیموں کے جائے وقوعہ پر پہنچنے تک کی ٹائم لائن کا بھی جائزہ لیا۔ تحقیقاتی کمیٹی نے فائر بریگیڈ کی رسپانس اور کارروائی کا جائزہ لینے کے ساتھ ریسکیو آپریشن کے دوران پیش آنے والی رکاوٹوں اور مشکلات سے متعلق بھی معلومات حاصل کیں۔
وزیراعظم کی قائم کردہ کمیٹی کے چیئرمین ریٹائرڈ وفاقی سیکرٹری شاہد خان ہیں، جبکہ میجر جنرل (ر) ڈاکٹر خورشید اُترا، ڈاکٹر بیرسٹر نبیل احمد اعوان اور ڈپٹی کمشنر اسلام آباد بھی کمیٹی کے ارکان میں شامل ہیں۔
ذرائع کے مطابق وزیراعظم کی قائم کردہ تحقیقاتی کمیٹی 48 گھنٹے میں عبوری رپورٹ پیش کرے گی، جبکہ پانچ روز میں مکمل تحقیقات اور سفارشات پر مشتمل حتمی رپورٹ پیش کی جائے گی۔
Comments / رائے دیں
Share your thoughts. Comments are reviewed before they appear publicly.
Approved Comments