کسی بھی دورے کے دوران مارکیٹیں اور کاروبار بند نہ کئے جائیں، مریم نواز کی حکام کو ہدایت
لاہور: (دنیا نیوز) وزیراعلیٰ پنجاب مریم نواز نے کہا ہے کہ ان کے دورے کے باعث کوئی مارکیٹ، دکان، کاروبار یا تجارتی ادارہ بند نہیں کیا جائے گا اور نہ ہی کسی کو اپنی سرگرمیاں معطل کرنے کا کہا جائے گا۔
سماجی رابطے کی سائٹ ایکس پر اپنے پیغام میں مریم نواز نے کہا کہ ان کا پیغام ایک بار پھر تمام آر پی اوز، ڈی پی اوز، کمشنرز اور ڈپٹی کمشنرز کو ارسال کردیا گیا ہے۔
وزیراعلیٰ پنجاب نے ہدایت کی کہ کسی رہائشی گلی کو بند یا سیل نہ کیا جائے اور سیکیورٹی انتظامات کے نام پر رہائشیوں کی نقل و حرکت پر کسی قسم کی پابندی عائد نہ کی جائے۔
— Maryam Nawaz Sharif (@MaryamNSharif) November 8, 2026
انہوں نے کہا کہ تمام سیکیورٹی انتظامات خفیہ اور غیر محسوس انداز میں کیے جائیں تاکہ عام شہریوں کو کسی قسم کی زحمت، خلل یا پریشانی کا سامنا نہ کرنا پڑے۔
مریم نواز نے ہدایت کی کہ ان احکامات پر اصل روح اور مکمل مفہوم کے مطابق عمل درآمد یقینی بنایا جائے، خلاف ورزی کی صورت میں سخت کارروائی عمل میں لائی جائے گی۔
Comments / رائے دیں
Share your thoughts. Comments are reviewed before they appear publicly.
Approved Comments