سپیس میں خلاباز کی طبیعت خراب، عملے کی زمین پر واپسی کا فیصلہ
نیویارک: (ویب ڈیسک) انٹرنیشنل سپیس سٹیشن میں خلاباز کی طبیعت ناساز ہوگئی جس کے باعث عملے کو زمین پر واپس لانے کا فیصلہ کیا گیا ہے۔
امریکی خلائی ادارے (ناسا) کا کہنا ہے کہ خلا باز کی حالت بہتر ہے، طبی وجہ واضح نہیں ہوسکی۔
ناسا کا کہنا ہے کہ ممکنہ خطرے کے پیش نظر چار رکنی عملہ آئندہ چند دنوں میں زمین پر واپس آئے گا، عملے میں امریکا کے 2، جاپان اور روس کا ایک ایک خلاباز شامل ہے۔
خبر رساں اداروں کے مطابق 7 خلاباز اس وقت خلائی سٹیشن پر کام کر رہے ہیں، تازہ ترین عملہ گزشتہ سال اگست میں خلائی سٹیشن پہنچا تھا۔
امریکی میڈیا کے مطابق انٹرنیشنل سپیس سٹیشن کی تاریخ میں طبی وجوہات پر یہ پہلی واپسی ہے۔
