کم عمر پنشنر 23 برس کی عمر میں فل پنشن کیساتھ ریٹائر
ماسکو: (ویب ڈیسک) روس کا سب سے کم عمر پنشنر 23 برس کی عمر میں ریٹائر ہوگیا۔
غیر ملکی میڈیا کے مطابق روس کے علاقے ڈونٹسک سے تعلق رکھنے والے پاویل اسٹیپچینکو صرف 16 سال کی عمر میں روس کی وزارت داخلی امور کے تعلیمی ادارے میں بطور طالب علم شامل ہوا اور 23 سال کی عمر میں ریٹائرمنٹ حاصل کر لی جس کے ساتھ وہ ملک کا سب سے کم عمر پینشنر بن گیا۔
ریٹائرمنٹ روایتی طور پر بڑھاپے میں ہوتی ہے لیکن عہد حاضر کے نوجوان بہترین زندگی گزارنے پر توجہ مرکوز کرنے کیلئے نوجوانی میں ریٹائر ہونے کا خواب دیکھتے ہیں جس کا مطلب عام طور پر 40 سال یا اس سے زیادہ عمر تک ریٹائر ہونا ہے۔
ایسے میں کم از کم ایک روسی نوجوان کچھ ایسا کرنے میں کامیاب ہوا جس کا ہم میں سے اکثر لوگ صرف خواب ہی دیکھ سکتے ہیں، اس طرح یہ پاویل اسٹیپچینکو کی ایک غیر معمولی کہانی ہے۔
پانچ سال کے شاندار تعلیمی کیریئر کے بعد اس نے داخلی امور کے نظام کی علاقائی تقسیم میں کام کرنا شروع کیا، پاویل اسٹیپچینکو ایک خصوصی شق کا فائدہ اٹھاتے ہوئے دو سال کام کرنے کے بعد 23 سال کی عمر میں ریٹائرڈ ہوگیا۔
قانون کی اس شق میں کہا گیا ہے کہ مارشل لاء کے دور میں ہر ماہ کی خدمات کیلئے ایک شخص کو تین ماہ کی خدمات کا کریڈٹ مدت حاصل ہوتا ہے، جس کے بعد اس نے نومبر 2023 میں ریٹائرمنٹ کی درخواست دی جس پر اسے فل پنشن کے ساتھ ریٹائر کر دیا گیا۔
