ہانیہ عامر کو سالگرہ تقریب میں بولڈ لباس پہننے پر تنقید کا سامنا
کراچی: (ویب ڈیسک) پاکستانی شوبز انڈسٹری کی معروف اداکارہ ہانیہ عامر کو دوست کی سالگرہ کی تقریب میں بولڈ لباس پہننے پر سوشل میڈیا صارفین تنقید کا نشانہ بنا رہے ہیں۔
اداکارہ نے فوٹو اینڈ ویڈیو شیئرنگ ایپ انسٹاگرام پر تقریب کی تصاویر اور ویڈیوز شیئر کیں، جن میں وہ دوستوں کے ہمراہ خوشگوار موڈ میں نظر آ رہی ہیں۔
تصاویر میں دیکھا جا سکتا ہے کہ ہانیہ عامر نے مغربی طرز کا لباس زیب تن کیا، جو سوشل میڈیا صارفین کو پسند نہیں آیا اور مختلف صارفین کی جانب سے تنقیدی تبصرے کیے جا رہے ہیں۔
یہ پہلا موقع نہیں ہے جب اداکارہ کو اپنے لباس کے انتخاب پر تنقید کا سامنا کرنا پڑا ہو، اس سے قبل بھی وہ بولڈ ساڑھی پہننے پر سوشل میڈیا صارفین کی تنقید کی زد میں آ چکی ہیں۔
