نیوز الرٹ
  • بریکنگ :- مائیکل اوون پاکستان میں فٹبال کےفروغ کیلئےآئےہیں،عثمان ڈار
  • بریکنگ :- پاکستان میں فٹبال کےکلچرکوفروغ دیناہے،عثمان ڈار
  • بریکنگ :- یورپ سےآنیوالی ٹیم کامقصدفٹبال کوفروغ دیناہے،عثمان ڈار
  • بریکنگ :- نوجوانوں کوکھیل کےبھرپورمواقع فراہم کیےجارہےہیں،عثمان ڈار
  • بریکنگ :- پاکستان کے 10علاقوں میں ٹیلنٹ ہنٹ پروگرام جاری ہے،عثمان ڈار
  • بریکنگ :- فروری کےبعدفٹبال ٹیلنٹ ہنٹ پروگرام شروع کیاجائےگا،عثمان بزدار
Coronavirus Updates

اومی کرون کا پھیلاؤ جاری، بھارت، سپین ، فن لینڈ اور یونان میں پہلے کیسز کی تصدیق

دنیا

لاہور: (دنیا نیوز) عالمی سطح پر اومی کرون وائرس کے پھیلاؤ کا سلسلہ تیزی سے جاری ہے، بھارت، سپین، فن لینڈ اور یونان میں بھی پہلے کیسز کی تصدیق ہو گئی، نئے ویرینٹ کو روکنے کے لئے ممالک نے پابندیاں سخت کردیں۔

خطرناک وائرس اومی کرون بھارت بھی پہنچ گیا، ریاست کرناٹک میں دو مریضوں میں وائرس کی تشخیص ہوگئی، سپین ، فن لینڈ اور یونان میں بھی اومی کرون کے پہلے کیسز سامنے آ گئے، امریکی ریاست منی سوٹا میں بھی نئے ویرینٹ کا دوسرا کیس منظر عام پر آگیا، انگلینڈ میں ایسے شخص میں اومی کرون کا ٹیسٹ مثبت آیا جس نے حال میں کسی بیرونی ملک سفر نہیں کیا تھا۔

یورپی یونین کے محکمہ صحت نے خدشہ ظاہر کیا ہے کہ اگلے چند ماہ میں اومی کرون ویرینٹ یورپ کے آدھے سے زائد کیسز کا باعث بنے گا، وائرس کے پھیلاؤ کو روکنے کے لئے جرمنی نے غیر ویکسین شدہ افراد کے لئے لاک ڈاؤن لگانے کا فیصلہ کیا ہے۔

ناروے نے عوامی مقامات پر ماسک کی پابندی لازمی قرار دے دی، جہاں تک ممکن ہو عوام گھر سے کام کریں گے، سو سے زائد افراد کی کسی بھی تقریب میں شرکت پر پابندی ہوگی۔

چین نے اومی کرون وائرس کے انسداد کے لئے نئی ویکسین کی تیاری کے لئے تحقیق کا آغاز کردیا ہے۔
 

Advertisement
روزنامہ دنیا ایپ انسٹال کریں