برطانیہ: سکولوں میں موبائل فون استعمال کرنے پرپابندی کا اعلان
لندن : (ویب ڈیسک ) برطانیہ نے سکولوں میں طالب علموں کے موبائل فون کے استعمال پر پابندی عائد کرنے کا اعلان کیا ہے ۔
غیر ملکی میڈیا کے مطابق وزارت تعلیم کی جانب سے جاری بیان میں کہا گیا ہے کہ ملک میں 12 سال اور اس سے زائد عمر کے 97 فیصد بچوں کے پاس ذاتی موبائل فون ہیں اور انفرادی طور پر پابندی عائد کرنے والے سکولوں میں تعلیمی معیار میں نمایاں اضافہ ہوا ہے۔
بیان میں یہ یاد دلایا گیا کہ اقوام متحدہ کے تعلیمی، سائنسی اور ثقافتی ادارے (یونیسکو) نے بھی سکولوں میں موبائل فونز پر پابندی عائد کرنے کا مطالبہ کیا ہےجو سائبر کرائم اور کلاسوں میں رکاوٹ کا باعث بنتے ہیں، اور یہ کہ فون نہ لانے کے طریقے سکول میں یا ان کو سکول کے داخلی راستوں پر بند بکسوں، الماریوں یا سیفوں میں پہنچانا لاگو کیا جائے گا۔
بیان میں موبائل فون کے استعمال پر پابندی عائد کرنے والے سکول کے حاصل کردہ نتائج بھی شامل تھے۔
بتایا گیا کہ ایسے سکول میں تعلیمی کلچر بہتر ہوا ہے، طلباء زیادہ پرامن اور آرام دہ ماحول میں تعلیم حاصل کر سکتے ہیں، اور ملازمین تعلیم پر زیادہ توجہ مرکوز کر رہے ہیں۔
