ولادیمیر پیوٹن نے نیٹو ممالک کو جوہری جنگ کی دھمکی دے دی

ماسکو: (ویب ڈیسک) روس کے صدر ولادیمیر پیوٹن نے نیٹو ممالک کو خبردار کیا ہے کہ اگر نیٹو فوجوں نے یوکرین جنگ میں حصہ لیا تو جوہری جنگ چھڑ سکتی ہے۔

عالمی خبر رساں ادارے کےمطابق روسی صدر ولادیمیر پیوٹن نے پارلیمنٹ سے اپنے سالانہ خطاب میں کہا کہ روس کسی کو بھی اپنے اندرونی معاملات میں مداخلت کی اجازت نہیں دے گا۔

صدر پیوٹن نے مزید کہا کہ روسیوں کی اکثریت یوکرین میں خصوصی فوجی کارروائیوں کی حمایت کرتی ہے۔ مسلح افواج کی جنگی صلاحیتوں میں کئی گنا اضافہ ہوا ہے، روسی فوجیں اعتماد کے ساتھ پیش قدمی کر رہی ہیں اور نئے علاقوں کو آزاد کروا رہی ہیں۔

روسی صدر نے فرانسیسی ہم منصب کی جانب سے نیٹو فوج کی یوکرین میں تعیناتی کے مطالبے کو مسترد کرتے ہوئے خبردار کیا ہے کہ اگر نیٹو ممالک یوکرین میں فوج بھیجتے ہیں تو اس سے خطے میں جوہری جنگ چھڑ سکتی ہے۔ 

Advertisement
روزنامہ دنیا ایپ انسٹال کریں