یوکرینی ڈرونز کا پرومائسک پر بڑا حملہ، 7 رہائشی عمارتوں اور سٹی آرکائیو متاثر
ماسکو: (شاہد گھمن) لوگانسک عوامی جمہوریہ کے شہر پرومائسک پر یوکرینی ڈرونز کے بڑے حملے کے نتیجے میں 7 رہائشی عمارتوں کی تقریباً 80 کھڑکیاں ٹوٹ گئیں، جبکہ شہر کے آرکائیو کی عمارت شدید تباہ ہوگئی، حملے میں کسی جانی نقصان کی اطلاع نہیں ملی۔
شہر کے سربراہ سرگئی کولیگن نے بتایا کہ رات کے وقت پرومائسک کو بڑے پیمانے پر ڈرون حملے کا سامنا کرنا پڑا۔ حملے میں صنعتی علاقے کو نشانہ بنایا گیا، جبکہ رہائشی علاقے بھی متاثر ہوئے۔
ابتدائی معلومات کے مطابق سات اپارٹمنٹ عمارتوں کی بیرونی دیواروں اور شیشوں کو نقصان پہنچا اور مجموعی طور پر 77 کھڑکیاں ٹوٹ گئیں۔
ڈرون حملے کے نتیجے میں پرومائسک کے شہری آرکائیو کی عمارت بھی بری طرح تباہ ہوگئی۔ حملے کے مقام پر آگ بھڑک اٹھی، جسے روسی ہنگامی حالات کی وزارت کے اہلکاروں نے بجھا دیا۔
سرگئی کولیگن کے مطابق حملے میں کوئی شخص ہلاک یا زخمی نہیں ہوا۔ مقامی شہری تباہ شدہ آرکائیو سے محفوظ رہ جانے والی دستاویزات اور ریکارڈ نکالنے میں آرکائیو کے ملازمین کی مدد کررہے ہیں۔
شہری انتظامیہ نے متاثرہ رہائشی عمارتوں کو پہنچنے والے نقصان کا اندراج شروع کردیا ہے۔ متاثرہ مکینوں کو نقصان کے ازالے اور معاوضے کے حصول کا طریقہ کار بھی بتایا جارہا ہے۔
Comments / رائے دیں
Share your thoughts. Comments are reviewed before they appear publicly.
Approved Comments