راجن پور:کچے میں ڈاکوئوں کیخلاف آپریشن،کمین گاہیں نذر آتش
راجن پور(آئی این پی)ضلع راجن پور میں کچے کے علاقے میں پولیس کا ڈاکوئوں کیخلاف آپریشن ،2 مشتبہ افراد گرفتار، ڈاکوفرار ہوگئے۔
ترجمان پنجاب پولیس کے مطابق چک عمرانی میں عمرانی گینگ اور لُنڈ گینگ کے ڈاکوئوں کی گرفتاری کیلئے آپریشن کیا گیا، اس دوران 2 مشتبہ افراد کر حراست میں لیا گیا ۔ پولیس کی پیش قدمی پر ڈاکو دریا کے راستے فرار ہوگئے ،ڈاکوئوں کی کمین گاہوں کو نذر آتش کردیا گیا، علاقے کو گھیرے میں لیکر ڈاکوئوں کی تلاش جاری ہے جبکہ ڈی پی او راجن پور کاکہنا ہے کہ کچے میں قیام امن تک پولیس کا جرائم پیشہ عناصر کیخلاف آپریشن جاری رہے گا۔
روزنامہ دنیا ایپ انسٹال کریں
