فرحت اللہ بابر کیخلاف انکوائری ایف آئی اے نے سوالنامہ دیدیا
اسلام آباد(مانیٹرنگ ڈیسک)سابق صدارتی ترجمان اور پیپلزپارٹی کے سینیٹر فرحت اللہ بابر کیخلاف انکوائری جاری ہےاور ایف آئی اے کی جانب سے انہیں سوالنامہ دیدیا گیا ہے ۔
ایف آئی اے نے فرحت اللہ کو 7دن میں سوالات کا جواب جمع کرانے کی ہدایت کر دی ہے ۔ ان سے جائیداد، بینک اکاؤنٹس اور گاڑیوں کی تفصیل مانگی گئی ہے ۔فرحت اللہ بابر سے اہلیہ اور بچوں کے اثاثوں کی تفصیل بھی مانگی گئی ہے جبکہ بطور سینیٹر ملنے والے غیرملکی فنڈ کی تفصیل دینے کی ہدایت کی گئی ہے ۔ذرائع کا کہنا ہے کہ فرحت اللہ بابر کی جانب سے تاحال جواب جمع نہ کرایا جا سکا۔اینٹی کرپشن سرکل اسلام آباد نے فرحت اللہ بابر کیخلاف انکوائری سے متعلق 18 سے 20 سوالات پر مبنی سوال نامہ بھیجا تھا۔
روزنامہ دنیا ایپ انسٹال کریں
