ذرامسکرائیے
استاد شاگرد سے:ہندوئوں اور انگریزوں کے درمیان معاہدے پر دستخط کہاں ہوئے؟ شاگرد: جناب معاہدے کے نیچے۔ ٭٭٭
ایک سیاح کسی گائو ں میں گیا اور بوڑھے آدمی سے پوچھا:کیا اس گائوں میں کوئی بڑا آدمی پیدا ہوا ہے؟
بوڑھے نے جواب دیا:جی نہیں یہاں ہمیشہ بچے پیدا ہوتے ہیں۔
٭٭٭
ماسٹر شاگرد سے:اسلم تمہارا مضمون سارا غلط ہے،میں تماری نالائقی کی شکایت تمہارے والد سے کروں گا۔
لڑکا : جناب! یہ مضمون میرے والد نے ہی لکھا ہے۔
٭٭٭
ایک بھکاری دونوں ہاتھوں میں ایک ایک کشکول اٹھائے بھیک مانگ رہا تھا۔
کسی نے وجہ پوچھی تو کہنے لگا: در اصل میں نے اپنے بڑھتے ہوئے کاروبار کی وجہ سے ایک اور برانچ کھول لی ہے۔
٭٭٭
ایک سپاہی بھاگتا ہوا جیلر کے پاس آیا اور کہنے لگا: سر غضب ہو گیا قیدی نمبر 118 بھاگ گیا ہے۔
جیلر غصے سے:تم نے اسے پکڑا کیوں نہیں،دوڑو ابھی جا کر پکڑو۔
سپاہی: سر میں نے بھی اسے نہیں بخشا،میں نے اس قیدی کے فنگر پرنٹ لے لیے ہیں۔
جیلر جلدی سے: کہاں ہیں فنگر پرنٹ؟
سپاہی: یہ دیکھئے میرے دائیں گال پر پانچ انگلیوں کے نشان۔
٭٭٭
6۔ایک صاحب کسی مسخرے کا تذکرہ کر رہے تھے،اور مسکرا کر کہنے لگے: ''وہ ظالم تو ایسی باتیں کرتا ہے کہ گدھے کو بھی ہنسی آ جائے،میرا تو ہنس ہنس کے بُرا حال ہو گیا ہے''۔
