آج کا پکوان

تحریر : منیرا کرن


کشمش کا بونٹ پلائو:اجزاء:گوشت ایک کلو، چاول ایک کلو، گھی آدھا کلو، دار چینی، الائچی، لونگ، زیرہ سفید 10، 10گرام، پیاز250گرام، ادرک 50گرام، بونٹ کی دال آدھا کلو، دھنیا20گرام، مرچ سیاہ 10گرام، کشمش200گرام، نمک حسب ضرورت، زعفران 5گرام۔

ترکیب: پہلے سارے گوشت کی یخنی تیار کیجئے پھر اس کا گوشت علیحدہ کرکے شور بہ کو نمک و گھی سے بگھاریئے۔ گوشت میں مصالحہ باریک بیس کر ملایئے اور گھی میں بھون لیجئے اس کے بعد چاولوں کو یخنی میں جوش دیجئے اور بھنے ہوئے گوشت کو کچھ دیر کے بعد اس میں ڈال دیجئے۔ بونٹ کی دال اور کشمش گھی میں تل لیجئے اور چاولوں میں دونوں چیزوں کی ایک ایک تہہ بچھاتی چلی جایئے اور پتیلی کا منہ بند کرکے چاولوں کو کوئلہ کی آگ پردم دے دیجئے۔ تھوڑی دیر بعد زعفران پیس کر ڈال دیجئے اور اتار کر مصرف میں لایئے۔

متنجن پلائو

اجزاء:گوشت اورچاول ایک ایک کلو، گھی آدھا کلو، زعفران، دار چینی، لونگ، الائچی 10، 10گرام، شکر600گرام، مغز بادام، کشمکش 400گرام، پیاز250گرام، نمک و سرخ مرچ حسب ذائقہ، ادرک، دھنیا 25،25 گرام، لیموں تین عدد۔

ترکیب: پہلے گوشت میں مصالحہ ملا کر اس کی یخنی تیار کیجئے پھر چھان کر گوشت کو لانگ اور گھی سے بگھاریئے اور شوربہ میں شکر ملا کر لیموں کا عرق اس میں نچوڑیئے اور جوس دیجئے۔ پھر مصالحہ اور زعفران وغیرہ پیس کر اس میں ڈالئے۔ پھر تھوڑا سا شوربہ تہہ میں ڈال کر تہہ رکھئے پھر چاولوں کو لونگ، الائچی، نمک اور پانی میں جوش دیجئے۔ جب قدرے کنی باقی رہ جائے تب اسے ڈالئے پھر بادام کشمش باریک پیس کر اس پر چھڑکئے اور منہ بند کرکے دم پر رکھئے اور تھوڑی دیر کے بعد مصرف میں لایئے۔

گلاب جامن

اجزاء : پائوڈر کا دودھ ایک کپ، میدہ ایک کھانے کا چمچ، بیکنگ پائوڈر ایک چائے کا چمچ، انڈا ایک عدد، الائچی پائوڈر آدھا چائے کا چمچہ، چینی ڈیڑھ کپ، پانی دو کپ، تیل ایک چائے کا چمچ، پستہ گارنشنگ کیلئے (کٹا ہو)، چاندی کا ورق سجاوٹ کیلئے، گھی فرائی کرنے کیلئے۔

ترکیب: شیرے کیلئے ایک پین میں دو کپ پانی اور چینی ڈال کر شیرہ بنانے کیلئے چولہے پر رکھ دیں، پھر کچھ دیر پکنے کے بعد اس میں الائچی پائوڈر شامل کر دیں۔

گلاب جامن کیلئے:ایک پیالے میں دودھ پائوڈر، بیکنگ پائوڈر، میدہ، انڈا تھوڑا سا پانی اور گھی ڈال کر اچھی طرح مکس کرلیں۔ اب اس مکسچر کے ایک سائز کے چھوٹے چھوٹے گول بالز (پیٹرے) بنالیں۔ایک فرائنگ پین میں گھی کو گرم کرلیں۔ اب اس میں بالز ڈال کر ہلکی آنچ پر فرائی کرلیں۔ جب اِن کا رنگ برائون ہوجائے تو پین سے نکال کر شیرے میں ڈال دیں۔ مزے دار گلاب جامن تیار ہیں۔ پستہ اور چاندی کے ورق سے گارنش کرکے سرو کریں۔

 

روزنامہ دنیا ایپ انسٹال کریں

T-20 کرکٹ کا سنسنی خیز فارمیٹ

آئی سی سی ٹی 20 ورلڈکپ 2024ء کے آغاز میں 6 روز باقی رہ گئے،انٹرنیشنل کرکٹ کونسل یکم جون2024ء سے کیریبین اور ریاست ہائے متحدہ امریکہ میں مردوں کے ٹی 20 ورلڈ کپ کے نویں ایڈیشن کی میزبانی کر رہی ہے۔ٹی 20، کرکٹ کا سب سے دلچسپ اور سنسنی خیز فارمیٹ ہے، قارئین کیلئے ٹی 20ورلڈکپ کی مختصر تاریخ پیش خدمت ہے۔

بھیڑ اور بھیڑیا

بھیڑیا اپنے گھر میں بیٹھا آرام کر رہا تھا جب اسے باہر سے اونچی ،اونچی آوازیں آئیں۔پہلے تو وہ آنکھیں موندے لیٹا رہا لیکن جب شور مسلسل بڑھنے لگا تو اس نے سوچا باہر نکل کر دیکھناتو چاہیے کہ آخر ہو کیا رہا ہے۔گھر سے باہر جا کر دیکھا تو سامنے 2 بھیڑیں کھڑی آپس میں لڑ رہی تھیں۔

سچی توبہ

خالد بہت شرارتی بچہ تھا۔ سکول اور محلے کا ہر چھوٹا بڑا اس کی شرارتوں سے تنگ تھا۔ وہ جانوروں کو بھی تنگ کرتا رہتا ، امی ابو اسے سمجھاتے مگر خالد باز نہ آتا۔

ذرامسکرائیے

اُستاد(شاگرد سے) انڈے اور ڈنڈے میں کیا فرق ہے؟ شاگرد: ’’کوئی فرق نہیں‘‘۔ اُستاد: ’’وہ کیسے‘‘؟شاگرد: ’’دونوں ہی کھانے کی چیزیں ہیں‘‘۔٭٭٭٭

پہیلیاں

مٹی سے نکلی اک گوری سر پر لیے پتوں کی بوری جواب :مولی٭٭٭٭

ادائیگی حقوق پڑوسی ایمان کا حصہ

اسلام کی تعلیمات کا خلاصہ دو باتیں ہیں۔اللہ تعالیٰ کی اطاعت و بندگی اور اللہ تعالیٰ کے بندوں کے ساتھ حسن سلوک۔ اسی لیے جیسے شریعت میں ہمیں اللہ تعالیٰ کے حقوق ملتے ہیں، اسی طرح ایک انسان کے دوسرے انسان پر بھی حقوق رکھے گئے ہیں۔