آج کا دن
اسپیشل فیچر
اوماہا کے فسادات
اوماہا میں نسلی فسادات 28ستمبر1919ء کو شروع ہوئے۔ان فسادات کے نتیجے میں ایک سیاہ فام شہری ول براؤن کو قتل کردیا گیا جبکہ بہت سے سفید فام اس میں زخمی ہوئے، شہر کے مئیر ایڈورڈ پارسنز سمتھ کو پھانسی دینے کی کوشش بھی کی گئی۔ اوماہا پولیس ڈیپارٹمنٹ کے بہت سے افسران اور شہری شدید زخمی ہوئے۔ جوابی کارروائی کرتے ہوئے سفید فاموں کی بہت بڑی تعداد نے ہنگامہ آرائی شروع کر دی اور اومایا کے مرکز میں واقع ڈگلس کاؤنٹی کورٹ ہاؤس کو آگ لگا دی۔ ان فسادات نے 1919ء کے ریڈ سمر کے دوران ریاستہائے متحدہ امریکہ کے بڑے صنعتی شہروں میں 20سے زیادہ نسلی فسادات کو ہوا دی۔
انڈونیشیا میں زلزلہ
28 ستمبر 2018ء
کو انڈونیشیا کے جزیرہ نما مناہاسا میں ایک بہت بڑا زلزلہ آیا، جس کا مرکز ڈونگالا ریجنسی، وسطی سولاویسی میں واقع تھا۔ اس زلزلے کی شدت 7.5 ریکارڈ کی گئی جبکہ اس کا مرکز صوبائی دارالحکومت پالو سے 70 کلومیٹر دور واقع تھا۔ زلزلے کی شدت اس قدر زیادہ تھی کہ اس کے جھٹکے ملائیشیا کے تواؤ میں بھی محسوس کئے گئے ۔مرکزی زلزلے سے قبل بھی کچھ جھٹکے محسوس کئے گئے جس کی شدت6.1ریکارڈ کی گئی۔مرکزی زلزلے کے بعد، قریبی آبنائے مکاسر کے لیے سونامی کا الرٹ جاری کر دیا گیا۔ ایک مقامی سونامی بھی آیا جس کے راستے میں ساحل پرموجود مکانات اور عمارتیں تباہ ہوگئیں۔
شام میں بغاوت
28 ستمبر 1961ء کو شام میں بغاوت کا آغاز ہوا۔یہ شامی فوج کے ناراض افسران کی بغاوت تھی جس کے نتیجے میں ایک آزاد شامی جمہوریہ کا آغاز ہوا۔اس بغاوت کے بعد شامی افواج کے پاس تمام اختیارات موجود تھے لیکن شامی فوج نے براہ راست حکومت نہ کرنے کا فیصلہ کیا اورسابقہ شامی جمہوریہ کی روایتی سیاسی جماعتوں کے سیاست دانوں کوحکومت بنانے کی ذمہ داری سونپی گئی۔بحال ہونے والی حکومت شامی جمہوریہ کا سلسلہ تھا لیکن عرب قوم پرستوں کے اثرو رسوخ کی وجہ سے اس کا نیا نام شامی عرب جمہوریہ رکھا گیا۔بحال شدہ حکومت افراتفری کا شکار تھی کیونکہ اندرونی فوجی بغاوت نے حکومت کی بہت سے پالیسیوں کو متاثر کیا تھا۔
جنوبی آسٹریلیا کا بلیک آؤٹ
28ستمبر2016ء کو جنوبی آسٹریلیا کو اچانک بلیک آؤٹ کا سامنا کرنا پڑا،یہ بجلی کی ایک وسیع بندش تھی جو طوفان کی وجہ سے بجلی کی ترسیل کے بنیادی ڈھانچے کو پہنچنے والے نقصان کے نتیجے میں پیش آئی تھی۔ اس بندش سے تقریباً8لاکھ50ہزار افراد متاثر ہوئے۔کنگارو جزیرہ اس بلیک آؤٹ سے متاثر نہیں ہوا کیونکہ یہاں موجود پاور سٹیشن جزیرہ کی سپلائی کے لئے تعمیر کیاگیا تھا تاکہ کسی بھی ہنگامی صورتحال کی صورت میںبجلی کی ترسیل متاثر نہ ہو سکے۔
