انگلینڈ:گاؤں والوں کا جینا حرام کردینے والی چیل پکڑی گئی
لندن(نیٹ نیوز)انگلینڈ میں ایک گاؤں کے مکینوں پر ہفتوں سے حملہ آور چیل کو قابو میں کرلیا گیا ۔
اس چیل کو مقامی لوگوں پر 50 حملوں کا ذمہ دار ٹھہرایا گیا ہے ،شکاری پرندے نے پیدل چلنے والے رہائشیوں کے سروں پر درجنوں حملے کیے جس میں بعض صورتوں میں راہ گیر زخمی بھی ہوئے ۔لیکن اس طویل مدت کی دہشت گردی کے چیل کو جو کہ شمالی اور جنوبی امریکہ سے تعلق رکھتی ہے ، آخر کار اسٹیو ہیرس نامی 40 سالہ رہائشی نے پکڑ لیا۔ہیرس نے بی بی سی کو بتایا کہ یہ ہمارے اور پورے گاؤں کے لیے راحت کی بات ہے ۔ ایک دن جب پرندہ تقریباً ایک فٹ کے فاصلے پر تھا تو میں نے جال پھینک کر اسے پھنسا دیا۔ہیرس نے بتایا کہ اس جارح پرندے کی موجودگی کی وجہ سے ان کے بچوں کو کئی دنوں سے گھر کے باہر کھیلنے کا موقع نہیں مل سکا ہے ۔
روزنامہ دنیا ایپ انسٹال کریں
