سعودیہ کی ایک اور ایئرلائنز اگلے ماہ پاکستان میں فلائٹ آپریشن شروع کرے گی
لاہور:(دنیا نیوز) ہوا بازی کی صنعت کیلئے اچھی خبر، سعودی عرب کی ایک اور ایئرلائنز پاکستان کے لیے اپنا فلائٹ آپریشن2 فروری سے شروع کر ے گی۔
ذرائع کے مطابق پہلی پرواز ریاض سے کراچی پہنچے گی، پروازیں کراچی، ریاض اور جدہ کیلئے آپریٹ کی جائیں گی، فلائی عدیل ایئر کی پہلی پرواز کراچی پہنچنے پر طیارے کو ایئرپورٹ اتھارٹی کی جانب سے واٹر سلوٹ پیش کیا جائے گا۔
سی اے اے فلائی عدیل کو پاکستان کے لیے فضائی آپریشن کی اجازت پہلے ہی دے چکی ہے، سعودی عرب کی نئی ایئرلائن کے پاکستان آنے سے مسافروں کو براہ راست سفری سہولت میسر آئے گی۔
