سونا مسلسل تیسرے روز بھی مہنگا، قیمتیں بلند ترین سطح پر پہنچ گئیں
کراچی: (دنیا نیوز) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ تاریخ کی بلند ترین سطح پر پہنچ گئے۔
بین الاقوامی مارکیٹ میں فی اونس سونے کی قیمت 16 ڈالر اضافے کیساتھ 3038 ڈالر ہوگئی جبکہ پاکستان میں فی تولہ سونے کی قیمت میں 1650 روپے اور دس گرام سونے کی قیمت میں 1415 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 19 ہزار اور دس گرام سونے کی قیمت 2 لاکھ 73 ہزار 491 روپے کی بلند ترین سطح پر پہنچ گئی۔
واضح رہے کہ ملک بھر میں صرف تین روز میں فی تولہ سونا 5 ہزار 3 سو روپے مہنگا ہوا ہے۔
