سٹیٹ بینک کے زرمبادلہ ذخائر میں 4 کروڑ 30 لاکھ ڈالر کا اضافہ
کراچی: (دنیا نیوز) سٹیٹ بینک آف پاکستان نے زرمبادلہ ذخائر بارے اعداد و شمار جاری کر دیئے۔
سٹیٹ بینک آف پاکستان کے جاری کردہ اعداد و شمار کے مطابق 29 مئی 2026ء کو ختم ہونے والے ہفتے کے اختتام پر اسٹیٹ بینک کے زرمبادلہ کے ذخائر بڑھ کر 17 ارب 19 کروڑ 4 لاکھ امریکی ڈالر ہو گئے۔
سٹیٹ بینک کے پاس موجود زرمبادلہ کے ذخائر 17 ارب 19 کروڑ 4 لاکھ امریکی ڈالر رہے جبکہ کمرشل بینکوں کے پاس خالص زرمبادلہ کے ذخائر 5 ارب 44 کروڑ 56 لاکھ امریکی ڈالر کی سطح پر موجود تھے۔
مرکزی بینک کے مطابق زیرِ جائزہ ہفتے کے دوران ملک کے مجموعی زرمبادلہ کے ذخائر 22.64 ارب ڈالر ریکارڈ کیے گئے۔
اسٹیٹ بینک کا کہنا ہے کہ مجموعی مائع زرمبادلہ کے ذخائر مستحکم سطح پر برقرار ہیں، جو بیرونی ادائیگیوں کی صلاحیت اور ملکی مالیاتی استحکام کا ایک اہم اشاریہ تصور کیے جاتے ہیں۔
