نیوز الرٹ
  • بریکنگ :- مریم نوازکی پیشی سےپہلےکچھ لوگوں کوالہام ہونے لگتا ہے،وزیراعظم
  • بریکنگ :- مافیااپنےبچاؤکیلئے رشوت دےگایابلیک میل کرےگا، وزیراعظم
  • بریکنگ :- بلیک میلنگ سےجویہ چاہتےہیں انہیں نہیں ملےگا، وزیراعظم
  • بریکنگ :- ہماری معاشی گروتھ (ن)لیگ کی طرح دکھاوانہیں،وزیراعظم
  • بریکنگ :- برآمدات بڑھ گئی ہیں خسارےختم ہو رہے ہیں، وزیراعظم
  • بریکنگ :- زرمبادلہ ذخائربلندترین سطح پرہیں ،آٹوسیکٹرخوشحال ہو رہا ہے، وزیراعظم
  • بریکنگ :- 4 فصلوں کی ریکارڈپیداوارہوئی،کسان حکومتی اقدامات سے مطمئن ہیں،وزیراعظم
  • بریکنگ :- (ن)لیگ جو 5 سال میں نہیں کرسکی ہم نے 3سال میں کردیا،وزیراعظم
  • بریکنگ :- وزیر اعظم عمران خان کی زیر صدارت اجلاس
Coronavirus Updates

چٹا گانگ ٹیسٹ کا پہلا دن ختم، بنگلا دیش نے 4 وکٹوں کے نقصان پر 253 رنز بنا لئے

کرکٹ

ڈھاکہ: (دنیا نیوز) پاکستان اور بنگلادیش کے درمیان ٹیسٹ سیریز کے پہلے میچ میں میزبان ٹیم نے دن کے اختتام پر 4 وکٹوں کے نقصان پر 253 رنز بنائے ہیں۔

ٹاس کی جیت بنگالی ٹائیگرز کے حصے میں آئی، کپتان مومن الحق نے پہلے بیٹنگ کا فیصلہ کیا۔ متحارب ٹیمیں چٹاگانگ کے ظہور احمد چوہدری کرکٹ سٹیڈیم میں معرکہ آرا ہیں۔ پہلی اننگز میں بنگلا اوپنرز سیف حسن اور شادمان اسلام کریز پر آئے تاہم شاہین باولرز نے انہیں ٹکنے نہ دیا۔ شاہین آفریدی نے شاندار باولنگ کرتے ہوئے  سیف حسن کو کیچ دینے پر مجبور کیا جسے عابد علی نے پکڑا، یوں محض 19 کے مجموعے پر حریف ٹیم کی پہلی وکٹ گرا دی۔ ان کے بعد نجم الحسن اور شادمان اسلام بھی زیادہ دیر نہ ٹک سکے اور محض 14، 14 رنز بنا کر پویلین لوٹ گئے۔ کپتان مومن الحق پرفارمنس دکھائے بغیر شاہین باولر ساجد خان کا نشانہ بنے، وہ 6 رنز سے آگے نہ بڑھے۔

لٹن داس اور مشفق الرحیم نے آ کر ٹیم کو سنبھالا دیا، انہوں نے طویل شراکت داری میں پہلے دن کے اختتام تک مجموعی سکور 253 تک پہنچا دیا۔ لٹن نے 1 چھکے اور 11 چوکوں کی مدد سے سنچری مکمل کرتے ہوئے 113 رنز بنائے جبکہ مشفق الرحیم 82 رنز پر ناٹ آوٹ ہیں۔

آج کے میچ میں بنگلا دیش کے یاسر علی جبکہ پاکستان کی جانب سے عبداللہ شفیق نے ٹیسٹ ڈیبیو کیا، کپتان بابر اعظم نے عبداللہ کو گرین کیپ پہنائی۔

طویل دورانیے کی کرکٹ میں بھی ٹیم پاکستان کو واضح برتری حاصل ہے، اب تک کھیلے جانے والے گیارہ میچز میں سے دس مرتبہ جیت شاہینوں کا مقدر بنی جبکہ ایک میچ بے نتیجہ ختم ہوا، بنگال ٹائیگرز تاحال اپنی پہلی فتح کے منتظر ہیں۔

سیریز کے آغاز سے قبل بنگلا دیشی ٹیم کودو بڑے دھچکے لگے، سٹار آل راؤنڈر شکیب الحسن ہمیسٹرنگ انجری کے باعث سیریز سے باہر ہو گئے۔
چھوٹے فارمیٹ کے کپتان محمود اللہ نے بھی ٹیسٹ کرکٹ کو خیر باد کہہ دیا۔
 

Advertisement
روزنامہ دنیا ایپ انسٹال کریں