ویسٹ انڈیز ویمن ٹیم آئندہ ماہ پاکستان کا دورہ کرے گی

لاہور: (ویب ڈیسک) ویسٹ انڈیز ویمن ٹیم آئندہ ماہ پاکستان کا دورہ کرے گی۔

دونوں ٹیموں کے درمیان 5 ٹی ٹوئنٹی اور تین ون ڈے میچز کی سیریز کے تمام میچ نیشنل بینک کرکٹ سٹیڈیم کراچی میں منعقد ہوں گے۔

ذرائع کے مطابق دونوں ٹیموں کے درمیان ٹی ٹوئنٹی اور ون ڈے سیریز اپریل کے تیسرے ہفتے سے مئی کے پہلے ہفتے کے درمیان ہوگی۔

ذرائع کا کہنا تھا کہ ویسٹ انڈیز سے سیریز کے بعد پاکستان ویمن ٹیم انگلینڈ روانہ ہوگی، جہاں ٹیم پاکستان تین ون ڈے اور تین ٹی ٹوئنٹی میچوں کی سیریز کھیلے گی۔

Advertisement
روزنامہ دنیا ایپ انسٹال کریں