بنگلادیش نے بھارت کو ہرا کر انڈر 19 ایشیا کپ جیت لیا
دبئی: (دنیا نیوز) بنگلادیش بھارت کو 59 رنز سے شکست دیکر انڈر 19 ایشیا کپ کے ٹائٹل کا دفاع کرنے میں کامیاب ہوگیا۔
199 رنز کے ہدف کے تعاقب میں بھارت کی انڈر 19 ٹیم 35.2 اوورز میں 139 رنز پر ڈھیر ہوگئی، کپتان محمد امان 26 اور ہاردک راج 24 رنز بنا کر نمایاں رہے۔
بنگلادیش کی جانب سے عزیز الحاکم اور اقبال حسین نے 3، 3 ، الفاحد نے 2 جبکہ ریضان حسین اور معروف مریدہ نے ایک ایک وکٹ حاصل کی۔
قبل ازیں بھارت کی جانب سے پہلے دعوت پر پہلے بیٹنگ کرتے ہوئے بنگلادیش نے 198 رنز بنائے، بنگلادیش کی جانب سے ریضان حسین 47، محمد شہاب 40 اور فرید حسن 39 رنز کیساتھ نمایاں رہے۔
