ٹی 20 میں مسلسل 9 فتوحات، آسٹریلیا نے نیا ریکارڈ قائم کر دیا
ڈارون: (ویب ڈیسک) آسٹریلیا نے ٹی 20 کرکٹ میں مسلسل 9 فتوحات حاصل کر کے نیا ریکارڈ قائم کر دیا۔
کینگروز نے ڈارون میں کھیلے گئے سیریز کے پہلے ٹی 20 میچ میں جنوبی افریقا کو شکست سے دوچار کرکے نیا ریکارڈ اپنے نام کیا۔
آسٹریلیا کی ٹیم نے پہلے کھیلتے ہوئے مقررہ 20 اوورز میں تمام وکٹیں گنوا کر 178 رنز بنائے جس کے تعاقب میں جنوبی افریقی ٹیم مقررہ 20 اوورز میں 161 رنز بنا سکی۔
آسٹریلیا کے 75 رنز پر 6 کھلاڑی آئوٹ ہوئے تھے تاہم ساتویں وکٹ نے سکور 134 تک پہنچا دیا، آسٹریلیا کے ٹم ڈیوڈ نے 52 گیندوں پر شاندار 83 رنز بنائے جبکہ جنوبی افریقا کی جانب سے رایان ریکلٹن 71 سکور کیساتھ نمایاں رہے۔
