پی سی بی نے بنگلہ دیش کے ٹی20 ورلڈ کپ میچز کی میزبانی میں دلچسپی ظاہر کردی
لاہور: (ویب ڈیسک) پاکستان کرکٹ بورڈ نے بنگلہ دیش کے ٹی20 ورلڈ کپ میچز کی میزبانی میں دلچسپی ظاہر کردی۔
پی سی بی ذرائع کے مطابق اگر سری لنکا کے وینیوز دستیاب نہ ہوئے تو پاکستان کے میدان مکمل طور پر تیار اور دستیاب ہیں، پاکستان پہلے ہی کامیابی کے ساتھ چیمپئنز ٹرافی اور آئی سی سی ویمنز کوالیفائر کی میزبانی کرچکا ہے اور ان میچز کی میزبانی بھی باآسانی کرسکتا ہے۔
بنگلہ دیش نےاپنے ورلڈ کپ میچز کے لیے بھارت کا سفر نہ کرنے کا فیصلہ کیا ہے، بنگلہ دیش کرکٹ بورڈ نے بھارت میں ٹیم کی سکیورٹی پر تحفظات کا اظہار کیا ہے۔
واضح رہے کہ آئی سی سی نے تاحال بنگلہ دیش کے میچز کسی اور مقام پر منتقل کرنے یا نہ کرنے کا حتمی فیصلہ نہیں کیا ہے۔
