اے این ایف کارروائیاں: 85 کلو سے زائد منشیات برآمد، 11 ملزمان گرفتار
اسلام آباد: (دنیانیوز) اینٹی نارکوٹکس فورس (اےاین ایف ) نے 11 کاروائیوں میں 85 کلو سے زائد منشیات برآمد کرلی جبکہ 11 ملزمان گرفتار کرلیے ۔
ترجمان اےاین ایف کے مطابق کارروائیاں راولپنڈی، فیصل آباد،لاہور، لسبیلہ، اسلام آباد، اٹک، طورخم، شیر شاہ اور سیالکوٹ میں کی گئیں ۔
ترجمان کاکہنا ہے کہ کارروائی میں 42 کلو200گرام چرس،18 کلو39 گرام آئس برآمد کی گئی ، ایک اور کارروائی کے دوران 3 کلو ہیروئین برآمد کرلی گئی۔
ترجمان کے مطابق گرفتارملزمان کےخلاف انسداد منشیات ایکٹ کےتحت مقدمات درج کرلیے گئے۔
