ایکس کا برازیل میں کام بند کرنے کا اعلان
![](https://img.dunyanews.tv/news/2024/August/08-18-24/news_big_images/831561_82190991.jpg)
برازیلیا:(ویب ڈیسک) مائیکرو بلاگنگ سائٹ ایکس (سابقہ ٹوئٹر) نے برازیل میں کام بند کرنے کا اعلان کر دیا۔
غیر ملکی میڈیا کے مطابق ایکس حکام کا کہنا ہے کہ انہوں نے برازیل کے جج الیگزینڈرا موریس کی جانب سے سینسر شپ کے آرڈرز دیے جانے کے بعد برازیل میں فوری طور پر کام (آپریشنز) بند کرنے کا فیصلہ کیا ہے۔
رپورٹ کے مطابق ایکس حکام نے بتایا کہ جج الیگزینڈرا موریس نے برازیل میں ایکس کے ایک قانونی نمائندے کو خفیہ طور پر دھمکایا، جج نے ایکس سے کچھ مواد ہٹانے کے فیصلے کی عدم تعمیل کی صورت میں گرفتاری کی دھمکی بھی دی۔
ایکس حکام نے جج الیگزینڈرا موریس کے مبینہ دستخط شدہ کچھ دستاویزات بھی شائع کی ہیں جن میں فیصلے پر عمل درآمد نہ کرنے کی صورت میں روزانہ کی بنیاد پر 3600 ڈالر کا جرمانہ ( تقریباً10 لاکھ پاکستانی) اور برازیل میں ایکس کے نمائندے کی گرفتاری کا حکم شامل ہے۔
ایکس حکام اس حوالے سے کہنا ہے کہ انہوں نے اپنے عملے کی حفاظت کے پیش نظر برازیل میں کام بند کرنے کا فیصلہ کیا ہے۔