بینک میں اکاؤنٹ کھلوانے کے بہانے سٹاف کا موبائل چوری کرنیوالے ملزم گرفتار
لاہور: (دنیا نیوز) بینک میں اکاؤنٹ کھلوانے کے بہانے سٹاف کا موبائل چوری کرنے والے ملزمان گرفتار کر لئے گئے۔
سول لائن پولیس نے کارروائی کرتے ہوئے موبائل چوری میں ملوث 2 رکنی گینگ گرفتار کر لیا، ملزمان چند روز قبل نجی بینک کے سٹاف کا موبائل چوری کر کے رفو چکر ہو گئے تھے۔
ملزم کو سی سی ٹی وی فوٹیج میں بینک سے موبائل چوری کرتے دیکھا جاسکتا ہے، ملزمان گن پوائنٹ پر لوگوں سے لوٹ مار کر کے فرار ہو جاتے تھے۔
ملزمان سے 50 ہزار نقدی رقم، چوری شدہ موبائل فون اور پستول اور گولیاں برآمد کر لی گئیں، گرفتار ملزمان میں عثمان اور رقیب شامل، پولیس نے مقدمہ درج کر کے تفتیش شروع کر دی۔
