شبیر جان کی بیٹی یشمیرا کے نکاح کی تصاویر کے سوشل میڈیا پر چرچے
لاہور: (ویب ڈیسک) پاکستانی ڈرامہ انڈسٹری کے معروف اداکار شبیر جان کی بیٹی یشمیرا جان کے نکاح کی تصاویر نے سوشل میڈیا پر دھوم مچا دی۔
ان دنوں شبیر جان اپنی بیٹی یشمیرا کی شادی کی تقریبات میں مصروف ہیں، چند روز قبل یشمیرا کی ڈھولکی کی تصاویر سوشل میڈیا پر خوب وائرل ہوئیں۔
ڈرامہ سیریل "خودسر" میں "ردا" نامی لڑکی کا کردار نبھانے والی اداکارہ یشمیرا جان کی ڈھولکی کی تصاویر کے بعد اب ان کے نکاح کی تصاویر سوشل میڈیا پر زیرِ گردش ہیں جن میں وہ عروسی جوڑے میں ملبوس دکھائی دے رہی ہیں۔
یشمیرا جان اپنے نکاح پر بے حد حسین نظر آئیں جبکہ ان کے شوہر نے بھی کریمی جوڑا پہن رکھا ہے۔
نکاح کی تقریب میں اشنا شاہ، ہمایوں سعید، روبینہ اشرف، بہروز سبزواری، نبیل ظفر، شہروز سبزواری، صدف کنول، زیبا بختیار، شائستہ لودھی و دیگر شوبز ستارے شریک ہوئے۔
