پشاور: بیکری میں فائرنگ سے باپ بیٹا جاں بحق
پشاور: (دنیا نیوز) بیکری میں فائرنگ سے باپ بیٹا جاں بحق ہوگئے۔
افسوسناک واقعہ نواحی علاقہ بڈھ بیر میں پیش آیا جہاں نامعلوم ملزمان نے بیکری کی دکان پر اندھا دھند فائرنگ کردی، فائرنگ سے 2 افراد موقع پر دم توڑ گئے۔
واقعے کی اطلاع ملتے ہی پولیس اور ریسکیو ٹیمیں موقع پرپہنچ گئیں، مقتولین میں والد اور بیٹا شامل ہیں۔
پولیس حکام کے مطابق فائرنگ کا واقعہ گھریلو تنازع پر پیش آیا، ملزمان کیخلاف مقدمہ درج کرکے تفتیش کا آغاز کردیا گیا۔
