کراچی میں ٹریفک حادثات، نوعمر لڑکے سمیت 2 افراد جاں بحق
کراچی: (دنیا نیوز) شہر قائد میں ٹریفک حادثات کے دوران نو عمر لڑکے سمیت 2 افراد جاں بحق ہوگئے۔
سپر ہائی وے پر تیز رفتار گاڑی کی ٹکر سے 11 سالہ راہ گیر شمس اللہ موقع پر دم توڑ گیا، اطلاع پر امدادی ٹیمیں موقع پر پہنچ گئیں، جاں بحق ہونے والے شمس اللہ کی لاش کو ہسپتال منتقل کر دیا گیا۔
بلدیہ حب ریور روڈ پر 32 سالہ جمیل بس کی چھت سے نیچے جا گرا، عقب سے آنے والی گاڑی کی ٹکر سے سر پر گہری چوٹ آنے سے موقع پر جاں بحق ہوگیا، ریسکیو حکام نے متوفی کی لاش کو ہسپتال منتقل کر دیا۔
پولیس نے موقع پر پہنچ کر واقعات کی تحقیقات شروع کر دی۔
