نوشکی میں نامعلوم افراد کی فائرنگ سے 2 افراد جاں بحق
نوشکی: (دنیا نیوز) نامعلوم افراد کی فائرنگ سے 2 افراد جاں بحق جبکہ 3 زخمی ہوگئے۔
افسوسناک واقعہ نوشکی میں آرسی ڈی شاہراہ پر ریلوے سٹیشن کے قریب پیش آیا جہاں نامعلوم افراد نے اندھا دھند فائرنگ کردی جس کے 2 افراد موقع پر دم توڑ گئے جبکہ 3 شدید زخمی ہوگئے۔
پولیس ذرائع کے مطابق زخمیوں کو طبی امداد کے بعد کوئٹہ ریفر کردیا گیا، زخمیوں میں 2 کی حالت تشویشناک ہے جس کے باعث ہلاکتوں میں اضافے کا خدشہ ہے۔
