افغانستان کے وزیر داخلہ سراج الدین حقانی کا استعفیٰ منظور
کابل: (دنیا نیوز) افغانستان کے وزیر داخلہ سراج الدین حقانی عہدے سے مستعفی ہو گئے، سراج الدین نے اپنا استعفیٰ افغان طالبان سربراہ ہیبت اللہ اخوند زادہ کو بھجوا دیا، وزیر داخلہ سراج الدین حقانی کا استعفیٰ منظور کر لیا گیا۔
میڈیا رپورٹ کے مطابق استعفیٰ کی وجہ طالبان قیادت کے اندرونی اختلافات بتائی جا رہی ہے، سراج الدین حقانی کی وزارت کی ذمہ داریوں سے طویل غیر حاضری بھی استعفے کی وجہ ہے۔
حقانی نیٹ ورک اور طالبان قیادت کے درمیان خواتین کے حقوق کے معاملے میں بھی اختلافات ہیں، سراج الدین حقانی کے مستعفی ہونے سے متعلق طالبان حکومت کا کوئی بیان سامنے نہیں آیا۔
میڈیا رپورٹ کے مطابق وزیر داخلہ سراج الدین حقانی 2 ماہ بعد گزشتہ روز خوست میں منظر عام پر آئے تھے، وہ قندھار میں ہونیوالے کابینہ اجلاس میں بھی شریک نہیں ہوئے تھے۔
