محسن نقوی کی نوازشریف اور وزیراعلیٰ پنجاب سے ملاقات، امن وامان کے امور پر گفتگو
لاہور:(دنیا نیوز) مسلم لیگ (ن) کے قائد محمد نوازشریف اور وزیر اعلیٰ پنجاب مریم نواز شریف سے وزیرداخلہ محسن نقوی کی ملاقات ہوئی۔
ملاقات کے دوران پنجاب میں امن وامان کی عمومی صورتحال اور باہمی دلچسپی کے امور پر تبادلہ خیال کیا گیا۔
علاوہ ازیں کچے کے علاقے اور صوبائی سرحدی چوکیوں کی صورتحال پر بھی تبادلہ خیال کیا گیا۔
اس موقع پر رہنماؤں نے مل کر خارجی دہشتگردوں سے نمٹنے کے عزم کا اعادہ کیا اور امن و امان کی صورتحال میں بہتری کے لیے مربوط کاوشوں پر اتفاق کیا۔
