جنوبی افریقن بولر سائمن ہارمر آئی سی سی پلیئر آف دی منتھ قرار
دبئی: (دنیا نیوز) انٹرنیشنل کرکٹ کونسل (آئی سی سی) نے مینز اور ویمنز پلیئر ز آف دی منتھ کا اعلان کردیا۔
آئی سی سی نے ساؤتھ افریقہ کے اسپنر سائمن ہارمر کو پلیئر آف دی منتھ قرار دے دیا۔ سائمن ہارمر کو نومبر کے مہینے کی کارکردگی پر پلیئر آف دی منتھ کا ایوارڈ دیا گیا ہے۔
جنوبی افریقہ کے کھلاڑی نے بھارت کے خلاف دو ٹیسٹ میچز میں اہم کردار ادا کرتے ہوئے 17 وکٹیں حاصل کی اور سیریز کے بہترین کھلاڑی کا ایوارڈ اپنے نام کیا۔
سائمن ہارمر کے ساتھ پاکستان کے محمد نواز اور بنگلادیش کے تیجل الاسلام کو نامزد کیا گیا تھا۔
آئی سی سی نے بھارت کی شفالی ورما کو آئی سی سی ویمنز پلیئر آف دی منتھ کا قرار دیا۔ انہیں نومبر کے مہینے کے لیے پلیئر آف دی منتھ کا ایوارڈ دیا گیا، شفالی ورما کے ساتھ تھائی لینڈ کی تھپا چاپوتھاوانگ اور یواےای کی ایشا اوزا کو نامزدکیا گیا تھا۔
