ایس سی او کی بڑی کامیابی، آزاد کشمیر میں 11 واں سافٹ ویئر ٹیکنالوجی پارک فعال
مظفرآباد: (دنیا نیوز) سپیشل کمیونیکیشن آرگنائزیشن (ایس سی او) کے وژن 2025 کے تحت ایس سی او نے ایک اور شاندار کامیابی حاصل کر لی۔
آزاد جموں و کشمیر کے روشن مستقبل کیلئے ایس سی او نے ٹیکنالوجی، جدت اور ترقی کی بنیاد رکھی، آزاد جموں و کشمیر کے علاقہ حجیرہ میں 11 واں سافٹ ویئر ٹیکنالوجی پارک مکمل طور پر فعال کر دیا گیا۔
آزاد جموں و کشمیر میں 50 آئی ٹی سیٹ اپس کے قیام سے خطہ میں ڈیجیٹل انقلاب کی بنیاد مضبوط ہوئی، جدید آئی ٹی پارک میں سٹارٹ اَپس، فری لانسرز اور پیشہ ور افراد کیلئے بہترین معیاری سہولیات دستیاب ہیں، پارک میں تیز رفتار انٹرنیٹ، بلا تعطل بجلی اور پرسکون ماحول کے ساتھ جدید آئی ٹی ایکو سسٹم فراہم کیا گیا ہے۔
آزاد جموں و کشمیر میں ڈیجیٹل ترقی کے نئے دور کا آغاز ایس سی او کی مسلسل پیش رفت سے ممکن ہوا۔
ایس سی او نے جدید آئی ٹی پارک کے ذریعے خطہ میں سٹارٹ اَپس اور ٹیکنالوجی کی دنیا کو متعارف کرا دیا، ٹیکنالوجی، جدت اور روزگار کے فروغ میں ایس سی او کی خدمات آزاد جموں و کشمیر کی ترقی کی علامت ہیں۔
اس اقدام کو خطے میں ڈیجیٹل ترقی، ٹیکنالوجی اور روزگار کے فروغ کی جانب ایک اہم پیش رفت قرار دیا جا رہا ہے۔
