پاکستان تائیوان کو چین کا ناقابلِ تقسیم حصہ سمجھتا ہے: اسحاق ڈار
اسلام آباد: (دنیا نویز) نائب وزیر اعظم اور وزیر خارجہ اسحاق ڈار کی چین کے سفیر جیانگ زائی ڈونگ سے ملاقات ہوئی۔
ملاقات کے دوران چینی سفیر نے وزیر خارجہ وانگ یی کی جانب سے اسحاق ڈار کو نئے سال کی مبارکباد دی، اسحاق ڈار نے بھی نئے سال کی مبارکباد دی اور چین کی مضبوط حمایت کو سراہا۔
.jpg)
اسحاق ڈار نے چین کے تمام بنیادی معاملات پر پاکستان کی بھرپور اور غیرمتزلزل حمایت کا اعادہ کیا اور کہا کہ پاکستان ون چائنہ پالیسی پر مکمل کاربند رہے گا۔
نائب وزیراعظم نے کہا کہ پاکستان چین کو پورے چین کی واحد جائز نمائندہ حکومت تسلیم کرتا ہے، پاکستان تائیوان کو چین کا ناقابلِ تقسیم حصہ سمجھتا ہے۔
ملاقات کے دوران دونوں رہنماؤں نے دوطرفہ تعلقات کی مجموعی صورتحال کا جائزہ لیا۔
