انڈر 19 ٹرائی نیشن سیریز، افغانستان کو زمبابوے کے ہاتھوں شکست کا سامنا
ہرارے: (ویب ڈیسک) انڈر 19 ٹرائی نیشن سیریز میں زمبابوے کی ٹیم نے افغانستان کو 19 رنز سے شکست دے دی۔
ہرارے میں کھیلے گئے میچ میں زمبابوے کی ٹیم نے پہلے کھیلتے ہوئے 185 رنز بنائے، جوابی اننگز میں افغان ٹیم 41 اوورز میں 166 رنز پر ہی ڈھیر ہوگئی۔
خیال رہے کہ زمابوے میں جاری سہ ملکی سیریز پاکستان، افغانستان اور میزبان زمبابوے کے درمیان کھیلی جا رہی ہے۔
ایونٹ میں زمبابوے کی ٹیم 3 میچز میں 4 پوائنٹس کے ساتھ سرفہرست ہے، پاکستان کے 2 میچز میں 3 پوائنٹس ہیں جبکہ افغانستان کی ٹیم نے 3 میچز کے بعد 1 پوائنٹ اپنے نام کیا ہے۔
