بدبخت بیٹوں کی جھگڑے کے دوران فائرنگ سے ماں جاں بحق
راولپنڈی: (دنیا نیوز) بیٹوں کے درمیان جھگڑا کے دوران ماں گولی لگنے سے جاں بحق ہوگئی۔
افسوسناک واقعہ تھانہ مندرہ کی علاقے ہرنال میں بیٹوں کے مابین جھگڑے کے دوران چھوٹے بیٹے کو بچاتے ہوئے ماں بڑے بیٹے کی چلائی گئی گولی لگنے سے دم توڑ گی۔
فائرنگ کرنے والا ملزم عمران موقع سے فرار ہوگیا، پولیس کے مطابق 32 سالہ عمران نے لڑائی جھگڑے کے دوران چھوٹے بھائی پر پستول تان لیا تھا، ماں بچانے آئی تو بیٹے کی چلائی گئی گولی کی زد میں آکر جاں بحق ہوگئی۔
پولیس کی جانب سے ملزم کی گرفتاری کے لیے چھاپے مارے جا رہے ہیں جس کے بعد مزید تحقیقات کی جائیں گی۔
