لاہور میں اتوار سے پتنگوں، گڈوں اور ڈور کی فروخت شروع
لاہور: (دنیا نیوز) ضلع لاہور میں کل (اتوار) سے پتنگوں، گڈوں اور ڈور کی فروخت شروع ہو جائے گی۔
لاہور میں 2246 ٹریڈرز کو خریدو فروخت کی اجازت مل گئی، لاہور میں کل سے پتنگوں ڈوروں کی دکانیں کھولنے کی اجازت ہو گی۔
ضلع لاہور میں 8 فروری تک پتنگوں، گڈوں اور ڈور کی خرید وفروخت کی اجازت دے دی گئی، 8 فروری کے بعد بنانے اور بیچنے پر مکمل پابندی ہو گی۔
ابھی تک 2504 ٹریڈرز نے آن لائن اپلائی کیا، 163 رجسٹریشن ان پراگریس ہیں، 95 ٹریڈرز کی درخواستیں مسترد کر دی گئی ہیں۔
8 فروری تک رجسٹریشن کا عمل جاری رہے گا، مزید ٹریڈرز کی رجسٹریشن کا عمل جاری ہے۔
