مشرقی وسطیٰ کی کشیدہ صورتحال: پاکستان سے آج بھی 88 پروازیں منسوخ
اسلام آباد: (دنیا نیوز) مشرق وسطیٰ میں جنگ کے باعث کئی ملکوں کی فضائی حدود مسلسل بند اور فلائٹ اپریشن متاثر ہے، پاکستان سے آج بھی 88 پروازیں منسوخ کردی گئیں۔
صرف دبئی، ابوظہبی، شارجہ کیلئے آج 57 پروازیں آپریٹ کی جا رہی تھیں، کراچی سے دبئی دوحہ ابوظہبی بحرین دمام کی 27 پروازیں منسوخ کر دی گئی ہیں۔
لاہور سے 16، اسلام آباد 22، پشاور 10، ملتان 7، فیصل آباد 4 اور سیالکوٹ سے 2 پروازیں منسوخ کی گئی ہیں۔
گزشتہ روز ہفتے کو کراچی لاہور اسلام اباد ملتان پشاور سیالکوٹ فیصل آباد سے مشرق وسطی کی 42 پروازیں اپریٹ کی گئیں۔
ملتان سے شارجہ کی پرواز جی 9559 روانہ ہوئی تو دبئی ایئرپورٹ پر دھماکے کے باعث پرواز کو واپس ملتان اتار لیا گیا تاہم صورتحال نارمل ہونے پر پرواز روانہ ہوئی۔
