ایرانی وزیرخارجہ کی سیاسی و عسکری قیادت سے ملاقاتیں، امن کیلئے سفارتکاری کی اہمیت پر زور
اسلام آباد: (دنیا نیوز) ایرانی وزیر خارجہ عباس عراقچی نے فیلڈ مارشل سید عاصم منیر اور وزیراعظم شہباز شریف کے ساتھ علیحدہ علیحدہ ملاقاتیں کیں۔
سفارتی ذرائع کے مطابق ایرانی وزیر خارجہ عباس عراقچی کی اسلام آباد میں چیف آف ڈیفنس فورسز فیلڈ مارشل عاصم منیر سے پہلی باضابطہ ملاقات ہوئی، ملاقات میں علاقائی صورت حال اور دوطرفہ تعاون پر تبادلہ خیال کیا گیا۔
فیلڈ مارشل سے ملاقات میں وزیر داخلہ محسن نقوی اور قومی سلامتی مشیر جنرل عاصم ملک بھی شریک ہوئے جبکہ ایرانی وفد میں نائب وزیر خارجہ غریب آبادی، سفیر رضا امیری مقدم اور ترجمان وزارت خارجہ اسماعیل بقائی شامل ہیں۔
— Ishaq Dar (@MIshaqDar50) April 25, 2026
سفارتی ذرائع نے مزید بتایا کہ ملاقات کے دوران ایران اور پاکستان کے درمیان علاقائی سکیورٹی اور دوطرفہ تعاون پر تبادلہ خیال کیا گیا۔
بتایا گیا ہے کہ ملاقات کے دوران ایران اور پاکستان نے خطے میں امن و استحکام کے فروغ پر زور دیا اور پاک ایران تعلقات اور سکیورٹی تعاون مزید مضبوط بنانے پر اتفاق کیا۔
.jpg)
بعد ازاں سوشل میڈیا سائٹ ایکس پر نائب وزیراعظم و وزیر خارجہ اسحاق ڈار نے اپنے پیغام میں کہا کہ وزیراعظم شہباز شریف اور ایرانی وزیر خارجہ عباس عراقچی کی وزیراعظم ہاؤس میں ملاقات ہوئی، ملاقات تقریباً دو گھنٹے جاری رہی۔
اسحاق ڈار نے کہا کہ ملاقات میں آرمی چیف، فیلڈ مارشل سید عاصم منیر بھی شریک ہوئے، وزیر داخلہ محسن نقوی اور اعلیٰ حکام بھی اجلاس میں موجود تھے۔
.jpg)
نائب وزیراعظم نے بتایا کہ شہباز شریف نے خطے میں امن کے لیے مکالمہ اور سفارتکاری کی اہمیت پر زور دیا، پاکستان نے خطے میں امن و استحکام کے لیے سفارتی کوششوں کا اعادہ کیا۔
اسحاق ڈار نے کہا کہ پاک ایران تعلقات اور علاقائی صورتحال پر اہم تبادلہ خیال ہوا، وزیراعظم نے مذاکرات اور ڈائیلاگ کے ذریعے مسائل حل کرنے کی تاکید کی۔
